Additional Reading Unit 11

Cover
Introduction
Main Index
Links

Unit 10

Unit 12

Unit Key 11

Unit 11

1# βουλῇ γὰρ ἀνδρὸς εὖ μὲν οἰκοῦνται πόλεις,

εὖ δʼ οἶκος. ἔς τʼ αὖ πόλεμον ἰσχύει μέγα:

σοφὸν γὰρ ἓν βούλευμα τὰς πολλὰς χέρας

νικᾷ, σὺν ὄχλῳ δʼ ἀμαθία πλεῖστον κακόν.

2 πολλαῖσι πληγαῖς δρῦς δαμάζεται.

3# ναῦν τοι μίʼ ἄγκυρʼ οὐδαμῶς σῴζειν φιλεῖ.

4 μώρῳ καὶ βασιλεῖ νόμος ἄγραφος.

5 ἐκ τοῦ βοὸς ἡ μάστιξ γίγνεται.

6 ἐπειρώμην τι λέγειν ὧν εἰς τὴν βουλὴν ἀπήγγειλα.

7# ἀνδρὸς ὑπʼ ἐσθλοῦ καὶ τυραννεῖσθαι καλόν.

8# ὦ παῖ Διώνης, ὡς ἔφυς μέγας θεός,

Διόνυσε, θνητοῖς τʼ οὐδαμῶς ὑποστατός.

9# ἐξ ἡδονῆς γὰρ φύεται τὸ δυστυχεῖν.

10# λιμὴν νεὼς ὅρμος, βίου δʼ ἀλυπία.

11# ὑπὸ τῆς ἀνάγκης πάντα δουλοῦται ταχύ.

12 More stories about Diogenes

(i) ὁ δὲ Διογένης ἔλεγε τάδε· τῶν θεῶν ἐστι πάντα· φίλοι δὲ οἱ σοφοὶ τοῖς θεοῖς· κοινὰ δὲ τὰ τῶν φίλων. πάντʼ ἄρα ἐστὶ τῶν σοφῶν.

(ii) Πλάτωνος ὁρισαμένου (having formulated the definition), ἄνθρωπός ἐστι ζῷον δίπουν ἄπτερον, τίλας ἀλεκτρυόνα εἰσήνεγκεν αὐτὸν εἰς τὴν σχολὴν καί φησιν, οὗτός ἐστιν ὁ Πλάτωνος ἄνθρωπος.

(iii) ἐπορεύετο ἐκ Λακεδαίμονος εἰς ʼΑθήνας· πρὸς οὖν τὸν πυθόμενον (the [man] asking), ποῖ καὶ πόθεν; ἐκ τῆς ἀνδρωνίτιδος, εἶπεν, εἰς τὴν γυναικωνῖτιν.

(iv) ἐρωτηθεὶς (having been asked) ποίῳ καιρῷ δεῖ γαμεῖν, ἔφη, τοὺς μὲν νέους μηδέπω, τοὺς δὲ ἄλλους μηδεπώποτε.

13 From Xenophon's Anabasis.

ἐπεὶ γὰρ ἡμέρα ἐγένετο ἐπορεύοντο καὶ ἐν δεξιᾷ ἀεὶ εἶχον τὸν ἥλιον. ἐβούλοντο δὲ ἅμα ἡλίῳ δύνοντι (at sunset) εἰς κώμας τῆς Βαβυλωνίας χώρας ἀφικέσθαι· καὶ τοῦτο μὲν οὐκ ἐψεύσθησαν. ἔτι δὲ ἀμφὶ δείλην ἔδοξαν πολεμίους ὁρᾶν ἱππέας, καὶ ʼΑριαῖος, ὃς ἐφʼ ἁμάξης ἐπορεύετο διὰ τὰ τραύματα, κατέβη καὶ ἐθωρακίζετο καὶ οἱ σὺν αὐτῷ. ἐν ᾧ δὲ ὡπλίζοντο ἧκον οἱ σκοποὶ οἳ προεπέμφθησαν καὶ εἶπον ὅτι οὐχ ἱππεῖς εἰσιν, ἀλλʼ ὑποζύγια νέμονται. καὶ εὐθὺς ἔγνωσαν πάντες ὅτι ἐγγύς που ἐστρατοπεδεύετο βασιλεύς· καὶ γὰρ καπνὸς ἐφαίνετο ἐν κώμαις οὐ πρόσω.

οἰκέω manage, govern

ἰσχύω be strong

μέγα (adv.) greatly, much

βούλευμα, -ατος, τό counsel, plan

δρῦς, δρυός, ἡ oak-tree

# δαμάζω overcome, overthrow

μίʼ i.e. μία

ἄγραφος, -ον unwritten

μάστιξ, -ιγος, ἡ whip

# ἐσθλός, -ή, -όν good, noble

τυραννέομαι be ruled

Διώνη, -ης, ἡ Dione (a consort of Zeus)

# ὑποστατός, -όν to be withstood

ὅρμος, -ου, ὁ anchorage, haven

ἀλυπία, -ας, ἡ freedom from pain or grief

ταχύ (adv.) quickly

ὁρίζομαι formulate a definition

δίπους, -ποδος, ὁ, ἡ two-footed

ἄπτερος, -ον featherless

τίλλω pluck

ἀλεκτρυών, -όνος, ὁ cock

σχολή, -ῆς, ἡ school

ἀνδρωνῖτις, -ιδος, ἡ men's quarters

μηδέπω (adv.) not yet

μηδεπώποτε (adv.) never yet at any time

Βαβυλωνία, -ας, ἡ Babylonia

ψεύδομαι be deceived or disappointed in (+ acc.)

δείλη, -ης, ἡ afternoon

θωρακίζομαι put on one's breastplate

ἐν ᾧ while

ὁπλίζομαι arm oneself

σκοπός, -οῦ, ὁ scout

προπέμπω+ send ahead

νέμομαι graze, feed

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 11

(c) Gavin Betts, Alan Henry 2001