.

Additional Reading Unit 10

Cover
Introduction
Main Index
Links

Unit 9

Unit 11

Unit Key 10


Unit 10

1 ʼΑριστοτέλης τῆς παιδείας ἔφη τὰς μὲν ῥίζας εἶναι πικράς, γλυκεῖς δὲ τοὺς καρπούς.

2# οὐδεὶς ἐραστὴς ὅστις οὐκ αἰεὶ φιλεῖ.

3# τὰ θνητὰ πάντα μεταβολὰς πολλὰς ἔχει.

4# ἅπαντα νικᾷ καὶ μεταστρέφει τύχη.

5 ἅπανθʼ ὁ λιμὸς γλυκέα πλὴν αὑτοῦ ποιεῖ.

6 πάντων ἰατρὸς τῶν ἀναγκαίων κακῶν χρόνος ἐστίν.

7 ἡ πενία πολλῶν ἐστιν ἐνδεής, ἡ ἀπληστία πάντων.

8 τοῦ βίου, καθάπερ ἀγάλματος, δεῖ πάντα τὰ μέρη καλὰ εἶναι.

9 πότερον ταῦτα πάντα ἠδίκει καὶ παρεσπόνδει καὶ ἔλυε τὴν εἰρήνην ἢ οὔ;

10 ὑμεῖς γὰρ ταῦτʼ ἐπράττετε, καὶ ταῦτα πᾶσιν ὑμῖν ἤρεσκεν.

11# ῥώμη δέ τʼ ἀμαθὴς πολλάκις τίκτει βλάβην.

12# ἀλλʼ εὖ φέρειν χρὴ συμφορὰς τὸν εὐγενῆ.

13 ὅπου τις ἀλγεῖ, κεῖσε καὶ τὸν νοῦν ἔχει.

14# πρὸς τὴν ἀνάγκην πάντα τἆλλʼ ἔστʼ ἀσθενῆ.

15# ἀλλʼ ἡμέρα τοι πολλὰ καὶ μέλαινα νὺξ

τίκτει βροτοῖσιν.

16# ἀνὴρ δὲ χρηστὸς χρηστὸν οὐ μισεῖ ποτε.

17 τὸ νικᾶν αὐτὸν ἑαυτὸν πασῶν νικῶν πρώτη καὶ ἀρίστη.

18 False logic

From Plato's Euthydemus

ὦ Κτήσιππε, ἔφη ὁ Διονυσόδωρος, ἔστι σοι κύων;

καὶ μάλα πονηρός, ἔφη ὁ Κτήσιππος.

ἔστιν οὖν αὐτῷ κυνίδια;

καὶ μάλʼ, ἔφη, ἕτερα παραπλήσια.

οὐκοῦν πατήρ ἐστιν αὐτῶν ὁ κύων;

ὤχευέ γʼ, ἔφη, τὴν κύνα: τοῦτο γὰρ αὐτὸς εἶδον.

τί οὖν; οὐ σός ἐστιν ὁ κύων;

πάνυ γʼ , ἔφη.

οὐκοῦν πατὴρ ὢν (being) σός ἐστιν, ὥστε σὸς πατὴρ γίγνεται ὁ κύων καὶ σὺ κυναρίων ἀδελφός;

καὶ αὖθις ταχὺ ὑπέλαβεν ὁ Διονυσόδωρος καὶ ἤρετο: τύπτεις τὸν κύνα τοῦτον;

καὶ ὁ Κτήσιππος, νὴ τοὺς θεούς (yes, by the gods), ἔφη: οὐ γὰρ δύναμαι σέ.

οὐκοῦν τὸν σαυτοῦ πατέρα, ἔφη, τύπτεις;

χρὴ μέντοι, ἔφη, τὸν ὑμέτερον πατέρα μᾶλλον τύπτειν, διότι υἱοὺς οὕτως σοφοὺς ἔφυσεν.


ῥίζα, -ης, ἡ root, foundation

μεταστρέφω change, alter

ἐνδεής, -ές lacking in, in need of (+ gen.)

ἀπληστία, -ας, ἡ greediness

καθάπερ (adv.) just as

ἄγαλμα, -ατος, τό statue

καθάπερ (adv.) just as

παρασπονδέω break a treaty

ἀρέσκω be pleasing to (+ dat.)

κυνίδιον, -ου, τό puppy

ὀχεύω mount, cover (a female animal)

κυνάριον, -ου, τό puppy

δύναμαι be able (19.1/3b)

ὑμέτερον the second plural possessive adjective is used because the brother of Dionysodorus is present

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _
(c) Gavin Betts, Alan Henry 2001