Additional Reading Unit 8

Cover
Introduction
Main Index
Links

Unit 7

Unit 9

Unit Key 8

Unit 8

1 προφάσεως δεῖται μόνον ἡ πονηρία.

2 τόπων μεταβολαὶ οὔτε φρόνησιν διδάσκουσιν οὔτε ἀφροσύνην ἀφαιροῦνται.

3# ἀνὴρ γὰρ ἄνδρα καὶ πόλις σῴζει πόλιν.

4# κακῆς ἀπʼ ἀρχῆς γίγνεται κακὸν τέλος.

5# ἀνδρὸς χαρακτὴρ ἐκ λόγου γνωρίζεται.

6 ἄλλοι μὲν σπείρουσιν, ἄλλοι δὲ ἀμήσονται.

7# ῞Ερως γὰρ ἄνδρας οὐ μόνους ἐπέρχεται

οὐδʼ αὖ γυναῖκας, ἀλλὰ καὶ θεῶν ἄνω

ψυχὰς χαράσσει κἀπὶ (= καὶ ἐπὶ) πόντον ἔρχεται:

καὶ τόνδʼ ἀπείργειν οὐδʼ ὁ παγκρατὴς σθένει

Ζεύς, ἀλλʼ ὑπείκει καὶ θέλων (willingly) ἐγκλίνεται.

8 ἀλώπηξ οὐ δωροδοκεῖται.

9 ἐβόων, ἐξέκρουόν με, ἔπειτα δὲ ἐχλεύαζον: ὑμεῖς δʼ ἐγελᾶτε, καὶ οὔτʼ ἀκούειν ἠθέλετε οὔτε πιστεύειν ἐβούλεσθε.

10# ἡ γὰρ σιωπὴ τοῖς σοφοῖσιν ἀπόκρισις.

11# τήν τοι Δίκην λέγουσι παῖδʼ εἶναι χρόνου.

12# σὺν μυρίοισι τὰ καλὰ γίγνεται πόνοις.

13# ἐχθροὺς κακῶς δρᾶν ἀνδρὸς ἡγοῦμαι μέρος.

14# οὐ γὰρ παρὰ κρατῆρα καὶ θοίνην μόνον

τὰ χρήματʼ ἀνθρώποισιν ἡδονὰς ἔχει,

ἀλλʼ ἐν κακοῖσι δύναμιν οὐ μικρὰν φέρει.

15 The fate of Abradatas

A passage from Xenophon's biography of Cyrus (cf. 9.2.12).

ὁ δὲ Κῦρος τοὺς ὑπηρέτας ἐκάλεσε καί, ἆρʼ εἴδετε, ἔφη, τὸν ʼΑβραδάταν; θαυμάζω γὰρ ὅτι πρόσθεν μὲν ἐθάμιζεν ἐφʼ ἡμᾶς, νῦν δʼ οὐδαμοῦ φαίνεται. τῶν οὖν ὑπηρετῶν τις (one), ὦ δέσποτα, ἔφη, οὐ ζῇ, ἀλλʼ ἐν τῇ μάχῃ ἀπέθανεν ἐπεὶ ἐνέβαλε τὸ ἅρμα εἰς τοὺς Αἰγυπτίους· οἱ δʼ ἄλλοι πλὴν τῶν ἑταίρων αὐτοῦ ἔφυγον, ὥς φασιν, ἐπεὶ τὸ στῖφος εἶδον τὸ τῶν Αἰγυπτίων. καὶ νῦν γε, ἔφη, λέγεται ἡ γυνὴ αὐτοῦ τὸν νεκρὸν ἐν τῇ ἁρμαμάξῃ ἔχειν καὶ προσάγειν αὐτὸν δεῦρο πρὸς τὸν Πακτωλὸν ποταμόν. καὶ τοὺς μὲν εὐνούχους καὶ τοὺς θεράποντας αὐτοῦ ὀρύττειν φασὶν ἐπὶ λόφου θήκην τῷ νεκρῷ· τὴν δὲ γυναῖκα λέγουσιν ὡς καθίζει χαμαί, καὶ τὴν κεφαλὴν τοῦ ἀνδρὸς ἐπὶ τοῖς γόνασιν ἔχει.

πρόφασις, -εως, ἡ excuse, pretext

φρόνησις, -εως, ἡ prudence

ἀφροσύνη, -ης, ἡ imprudence, foolishness

γνωρίζω make known

ἀμάομαι reap

χαράσσω (= -ττω) whet, stimulate

# παγκρατής, -οῦ, ὁ all-powerful

# σθένω have power

ὑπείκω yield

ἐγκλίνομαι give way

δωροδοκέω bribe

ἐκκρούω hiss off (the stage)

χλευάζω scoff, jeer

θοίνη, -ης, ἡ meal, feast

ὑπηρέτης, -ου, ὁ staff-officer, aide

ʼΑβραδάτας, -ου, ὁ Abradatas

θαμίζω come often

ἅρμα, -ατος, τό chariot

στῖφος, -ους, τό dense array

ἁρμάμαξα, -ης, ἡ carriage

Πακτωλός, -οῦ, ὁ Pactolus (river in Asia Minor)

εὐνοῦχος, -ου, ὁ eunuch

ὀρύττω dig

χαμαί (adv.) on the ground

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 8

(c) Gavin Betts, Alan Henry 2001