Additional Reading Unit 3

Cover
Introduction
Main Index
Links

Unit 2

Unit 4

Unit Key 3

Unit 3

Stories from Aesop

1 The wolves and the sheep

(i) λύκοι ἐπιβουλεύουσι ποίμνῃ προβάτων, ἀλλʼ οὐχ οἷοί τʼ εἰσὶ (they are not able) τὰ πρόβατα ἁρπάζειν διὰ τὰ κυνίδια.

(ii) οἱ λύκοι ἐθέλουσι διὰ δόλου τὰ πρόβατα ἀποκτείνειν καὶ ἐσθίειν.

(iii) ἀγγέλους πέμπουσιν οἱ λύκοι καὶ τοῖς προβάτοις λέγουσιν: ὦ πρόβατα, τὰ κυνίδια αἴτιά ἐστι τῆς ἔχθρας, ἀλλʼ εἰρήνην ἐθέλομεν ἔχειν.

(iv) τὰ πρόβατα περὶ τοῦ κινδύνου οὐ φροντίζει καὶ οἱ λύκοι τὰ κυνίδια ἀπάγουσιν.

(v) ἐπεὶ ἡ ποίμνη ἀφύλακτός ἐστιν, οἱ λύκοι τὰ πρόβατα ῥᾳδίως ἀποκτείνουσιν καὶ ἐσθίουσιν.

(vi) ὁ μῦθος σαφηνίζει ὅτι οὐ δεῖ τοῖς πονηροῖς πιστεύειν ἀλλὰ τοῖς φίλοις.

2 The ass and the horse

ὄνος ἵππον μακαρίζει ὡς ἀφθόνως καὶ ἐπιμελῶς τὴν τροφὴν παρέχει ὁ δεσπότης, ἐπειδὴ ὁ ὄνος οὐδὲ (not even) ἀχύρων ἅλις ἔχει καὶ τὸν βίον μάλα χαλεπὸν ἄγει. ἀλλʼ ἐπεὶ πόλεμός ἐστι καὶ ὁ στρατιώτης ἔνοπλος ἀναβαίνει τὸν ἵππον καὶ πανταχόσε ἐλαύνει καὶ δὴ καὶ τοῖς πολεμίοις ἐπέχει, τὰ τῶν πολεμίων ὅπλα τὸν ἵππον τραυματίζει. καὶ νῦν οὐ μακαρίζει τὸν ἵππον ὁ ὄνος.

3 The wild ass

ὄνος ἄγριος ὄνον ἥμερον προσβλέπει ἐν εὐηλίῳ τόπῳ καὶ μακαρίζει αὐτὸν (him) ἐπὶ τῇ εὐεξίᾳ καὶ τῇ τροφῇ. ἀλλʼ ὕστερον ἐπειδὴ ὁ ὀνηλάτης ῥοπάλοις παίει τὸν ἥμερον ὄνον, ὁ ἄγριος λέγει: ἐγὼ οὐκέτι σε (you) εὐδαιμονίζω, ἐπειδὴ οὐκ ἄνευ κακῶν μεγάλων τὴν ἀφθονίαν ἔχεις. οὕτως οὐκ ἔστι ζηλωτὰ τὰ μετὰ κινδύνων καὶ ταλαιπωριῶν ἀγαθά.

ποίμνη, -ης, ἡ flock

κυνίδιον, -ου, τό little dog

ἀφύλακτος, -ον unguarded

μακαρίζω deem happy

ἀφθόνως (adv.) abundantly

ἐπιμελῶς (adv.) carefully

ἅλις (adv.) enough (+ gen.)

ἔνοπλος, -ον in armour, armed

πανταχόσε (adv.) in every direction

ἐπέχω+ attack (+ dat.)

τραυματίζω wound

ἥμερος, -ον tame, domestic

εὐεξία, -ας, ἡ good condition

ὀνηλάτης, -ου, ὁ ass-driver

παίω strike

εὐδαιμονίζω consider happy

ἀφθονία, -ας, ἡ abundance

ζηλωτός, -ή, -όν enviable

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 3

(c) Gavin Betts, Alan Henry 2001