Additional Reading Unit 24

Cover
Introduction
Main Index
Links

Unit 23

Unit 25

Unit Key 24

Unit 24

1 τὰ ἐλάχιστα ληπτέον τῶν κακῶν.

2# ἄνθρωπος ὢν ἥμαρτον: οὐ θαυμαστέον.

3# ὁρᾶτε δʼ ὡς κἀν θεοῖσι κερδαίνειν καλόν,

θαυμάζεται δʼ ὁ πλεῖστον ἐν ναοῖς ἔχων

χρυσόν. τί δῆτα καὶ σὲ κωλύει λαβεῖν

κέρδος, παρόν γε κἀξομοιοῦσθαι θεοῖς;

4# ἡ γὰρ τυραννὶς πάντοθεν τοξεύεται

δεινοῖς ἔρωσιν, ἧς φυλακτέον πέρι.

5# ἀνὴρ δίκαιός ἐστιν οὐχ ὁ μὴ ἀδικῶν,

ἀλλʼ ὅστις ἀδικεῖν δυνάμενος μὴ βούλεται.

6# γάμει δὲ μὴ τὴν προῖκα, τὴν γυναῖκα δέ.

7# ἴσος ἴσθι κρίνων καὶ φίλους καὶ μὴ φίλους.

8# ὀργῆς χάριν τὰ κρυπτὰ μὴ ἐκφήνῃς φίλου.

9# ὁ μηδὲν εἰδὼς οὐδὲν ἐξαμαρτάνει.

10# σιγᾶν ἄμεινον ἢ λαλεῖν ἃ μὴ πρέπει.

11# ὑπὲρ γυναικὸς καὶ φίλου πονητέον.

12 The setting of Plato's Symposium is a party to celebrate the first victory of the tragic poet Agathon, and among the guests are Socrates, Alcibiades and Aristophanes. Here Alcibiades illustrates the bravery of Socrates at the Athenian defeat at Delium in south-east Boeotia (424 BC).

ἔτι τοίνυν, ὦ ἄνδρες, ἄξιον ἦν θεάσασθαι Σωκράτη, ὅτε ἀπὸ Δηλίου φυγῇ ἀνεχώρει τὸ στρατόπεδον: ἔτυχον γὰρ παραγενόμενος ἵππον ἔχων, οὗτος δὲ ὅπλα. ἀνεχώρει οὖν ἐσκεδασμένων ἤδη τῶν ἀνθρώπων οὗτός τε ἅμα καὶ Λάχης: καὶ ἐγὼ περιτυγχάνω, καὶ ἰδὼν εὐθὺς παρακελεύομαι τε αὐτοῖν θαρρεῖν, καὶ ἔλεγον ὅτι οὐκ ἀπολείψω αὐτώ. ἐνταῦθα δὴ καὶ κάλλιον ἐθεασάμην Σωκράτη ἢ ἐν Ποτειδαίᾳ - αὐτὸς γὰρ ἧττον ἐν φόβῳ ἦ διὰ τὸ ἐφʼ ἵππου εἶναι - πρῶτον μὲν ὅσον περιῆν Λάχητος τῷ ἔμφρων εἶναι: ἔπειτα ἔμοιγε ἐδόκει, ὦ ʼΑριστόφανες, τὸ σὸν δὴ τοῦτο, καὶ ἐκεῖ διαπορεύεσθαι ὥσπερ καὶ ἐνθάδε, "βρενθυόμενος καὶ τὠφθαλμὼ παραβάλλων" ἠρέμα παρασκοπῶν καὶ τοὺς φιλίους καὶ τοὺς πολεμίους, δῆλος ὢν παντὶ καὶ πάνυ πόρρωθεν, ὅτι εἴ τις ἅψεται τούτου τοῦ ἀνδρός, μάλα ἐρρωμένως ἀμυνεῖται. διὸ καὶ ἀσφαλῶς ἀπῄει καὶ οὗτος καὶ ὁ ἑταῖρος· σχεδὸν γάρ τι τῶν οὕτω διακειμένων ἐν τῷ πολέμῳ οὐδὲ ἅπτονται, ἀλλὰ τοὺς προτροπάδην φεύγοντας διώκουσι.

13# In this farewell scene between Medea and her children, in which she regrets the fact that she will not see them grown to manhood and happily married, there is much double entendre, as they are not merely to be separated from her but to be killed by her.

ὦ τέκνα τέκνα, σφῷν μὲν ἔστι δὴ πόλις

καὶ δῶμʼ, ἐν ᾧ λιπόντες ἀθλίαν ἐμὲ

οἰκήσετʼ αἰεὶ μητρὸς ἐστερημένοι:

ἐγὼ δʼ ἐς ἄλλην γαῖαν εἶμι δὴ φυγάς,

πρὶν σφῷν ὀνάσθαι κἀπιδεῖν εὐδαίμονας,

πρὶν λουτρὰ καὶ γυναῖκα καὶ γαμηλίους

εὐνὰς ἀγῆλαι λαμπάδας τʼ ἀνασχεθεῖν.

ὦ δυστάλαινα τῆς ἐμῆς αὐθαδίας.

ἄλλως ἄρʼ ὑμᾶς, ὦ τέκνʼ, ἐξεθρεψάμην,

ἄλλως δʼ ἐμόχθουν καὶ κατεξάνθην πόνοις,

στερρὰς ἐνεγκοῦσʼ ἐν τόκοις ἀλγηδόνας.

ἦ μήν ποτʼ ἡ δύστηνος εἶχον ἐλπίδας

πολλὰς ἐν ὑμῖν, γηροβοσκήσειν τʼ ἐμὲ

καὶ κατθανοῦσαν χερσὶν εὖ περιστελεῖν,

ζηλωτὸν ἀνθρώποισι: νῦν δʼ ὄλωλε δὴ

γλυκεῖα φροντίς. σφῷν γὰρ ἐστερημένη

λυπρὸν διάξω βίοτον ἀλγεινόν τʼ ἐμοί:

ὑμεῖς δὲ μητέρʼ οὐκέτʼ ὄμμασιν φίλοις

ὄψεσθʼ, ἐς ἄλλο σχῆμʼ ἀποστάντες βίου.

φεῦ φεῦ: τί προσδέρκεσθέ μʼ ὄμμασιν, τέκνα;

τί προσγελᾶτε τὸν πανύστατον γέλων;

ληπτέον (< λαμβάνω) one must accept

θαυμαστέον (< θαυμάζω) one must be surprised

κερδαίνω gain, derive profit or advantage

ἐξομοιόομαι (κἀξ- = καὶ ἐξ-) become or be like (+ dat.)

τοξεύομαι be aimed at

φυλακτέον (< φυλάττω) one must guard against

προίξ, προικός, ἡ dowry

χάριν (acc. as prep. + gen.) on account of

κρυπτός, -ή, -όν hidden, secret

ἐκφαίνω+ reveal

πονητέον (< πονέω) one must labour

Δήλιον, -ου, τό Delium

σκεδάννυμι (perf. pass. ἐσκέδασμαι) scatter

Λάχης, -ητος, ὁ Laches

περιτυγχάνω+ arrive, come up

ἀπολείπω+ leave, abandon, desert

ἐφʼ ἵππου on horseback

περίειμι be superior to (+ gen.)

ἔμφρων, -ον self-possessed

τὸ σὸν δὴ τοῦτο (sc. to quote) that line you wrote

βρενθύομαι swagger

τὠφθαλμὼ (= τὼ ὀφθ-)

παραβάλλω+ look from side to side

ἠρέμα (adv.) quietly

παρασκοπέω glance sideways at (+ acc.)

πόρρωθεν (adv.) from a distance

ἐρρωμένως (adv.) vigorously

διό (conj.) therefore

σχεδὸν ... τι as a general rule

προτροπάδην (adv.) headlong

στερέω (perf. pass. ἐστέρημαι) deprive

ὀνίναμαι (aor. ὠνάμην) enjoy, derive benefit from (+ gen.)

ἐπιδεῖν (κἀπ- = καὶ ἐπ-) aor. inf. of ἐφοράω, look upon

λουτρόν, -οῦ, τό bath

γαμήλιος, -ον of or for a wedding

ἀγάλλω (aor. ἤγηλα) deck out

λαμπάς, -άδος, ἡ torch

# ἀνασχεθεῖν poetic aor. inf. act. of ἀνέχω, hold up, raise

# δυστάλας, -αινα, -αν most miserable

αὐθαδία, -ας, ἡ stubbornness, wilfulness

ἐκτρέφομαι+ rear up for oneself

καταξαίνομαι be tortured

στερρός, -ά, -όν hard, cruel

ἐνεγκοῦσʼ(α) nom. s. f. aor. pple. act. of φέρω

τόκος, -ου, ὁ childbirth

ἀλγηδών, -όνος, ἡ pain

# γηροβοσκέω look after in old age

# κατθανοῦσαν = καταθανοῦσαν

περιστέλλω clothe, wrap

ζηλωτός, -ή, -όν enviable, desired

ἐστερημένη see στερέω above

λυπρός, -ά, -όν painful, grievous

ἀλγεινός, -ή, -όν painful, grievous

#προσδέρκομαι look at (+ acc.)

προσγελάω+ laugh at, smile at (+ cognate acc. γέλων)

#πανύστατος, -η, -ον last of all

γέλως, -ωτος, ὁ (acc. γέλων) laughter, smile

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 24

(c) Gavin Betts, Alan Henry 2001