Additional Reading Unit 21

Cover
Introduction
Main Index
Links

Unit 20

Unit 22

Unit Key 21

Unit 21

1 οὐκ ἔστιν θνητοῖσι πρὸς ἀθανάτους μαχέσασθαι.

2 πρὸ τῶν τοιούτων χρὴ δάκνειν τὸ στόμα.

3 οὐκ ἔστιν εὖ ἄρχειν μὴ ἀρχθέντα.

4# ὦ παῖ, γένοιο πατρὸς εὐτυχέστερος,

τὰ δʼ ἄλλʼ ὅμοιος, καὶ γένοιʼ ἂν οὐ κακός.

5# ἄρχειν παρόν μοι, τῷδε δουλεύσω ποτέ;

6# μή νυν πρότερον μηδεὶς ὑμῶν ἀντείπῃ μηδʼ ὑποκρούσῃ,

πρὶν ἐπίστασθαι τὴν ἐπίνοιαν καὶ τοῦ φράζοντος ἀκούσῃ.

7# τῇ δʼ ʼΑφροδίτῃ πόλλʼ ἔνεστι ποικίλα:

τέρπει τε γὰρ μάλιστα καὶ λυπεῖ βροτούς.

τύχοιμι δʼ αὐτῆς ἡνίκʼ ἐστὶν εὐμενής.

8# ὅστις δὲ τοὺς τεκόντας ἐν βίῳ σέβει,

ὅδʼ ἐστὶ καὶ ζῶν καὶ θανὼν θεοῖς φίλος·

ὅστις δὲ τοὺς φύσαντας μὴ τιμᾶν θέλει,

μή μοι γένοιτο μήτε συνθύτης τοῖς θεοῖς

μήτʼ ἐν θαλάσσῃ κοινόπλουν στέλλοι σκάφος.

9# ἐχθροῖσιν εἴη πολεμίαν δάμαρτʼ ἔχειν.

10# ὥσπερ δὲ θνητὸν καὶ τὸ σῶμʼ ἡμῶν ἔφυ,

οὕτω προσήκει μηδὲ τὴν ὀργὴν ἔχειν

ἀθάνατον ὅστις σωφρωνεῖν ἐπίσταται.

11# ἓν δε σοι μόνον προφωνῶ, μὴ ἐπὶ δουλείαν ποτὲ
ζῶν ἑκὼν ἔλθῃς, παρὸν σοὶ κατθανεῖν ἐλευθέρῳ.

12# εἴθʼ ὤφελʼ ʼΑργοῦς μὴ διαπτάσθαι σκάφος

Κόλχων ἐς αἶαν κυανέας Συμπληγάδας,

μηδʼ ἐν νάπαισι Πηλίου πεσεῖν ποτε

τμηθεῖσα πεύκη, μηδʼ ἐρετμῶσαι χέρας

ἀνδρῶν ἀριστέων οἳ τὸ πάγχρυσον δέρας

Πελίᾳ μετῆλθον.

13 καὶ γὰρ ὁ Σωκράτης ἐφίλει λέγειν, οἷος ὁ βίος, τοιοῦτος καὶ ὁ λόγος: οἷος δὲ ὁ λόγος, τοιαῦται καὶ αἱ πράξεις.

14 Conversation with the old

In this passage from Plato's Republic Socrates assures the elderly Cephalus, a resident of the Piraeus, that he is only too happy to travel some distance in order to converse with men of experience.

εὐθὺς οὖν μʼ ἰδὼν ὁ Κέφαλος ἠσπάζετό τε καὶ εἶπεν, ὦ Σώκρατες, οὐ θαμίζεις ἡμῖν καταβαίνων εἰς τὸν Πειραιᾶ: χρῆν μέντοι. εἰ μὲν γὰρ ἐγὼ ἔτι ἐδυνάμην ῥᾳδίως πορεύεσθαι πρὸς τὸ ἄστυ, οὐδὲν ἄν σʼ ἔδει δεῦρο ἰέναι, ἀλλʼ ἡμεῖς ἂν παρὰ σὲ ᾖμεν: νῦν δέ σε χρὴ πυκνότερον δεῦρο ἰέναι: ὡς εὖ ἴσθι ὅτι ἔμοιγε ὅσον αἱ ἄλλαι αἱ κατὰ τὸ σῶμα ἡδοναὶ ἀπομαραίνονται, τοσοῦτον αὔξονται αἱ περὶ τοὺς λόγους ἐπιθυμίαι τε καὶ ἡδοναί. μὴ οὖν ἄλλως ποίει, ἀλλὰ τοῖσδέ τε τοῖς νεανίαις σύνισθι καὶ δεῦρο παρʼ ἡμᾶς φοίτα ὡς παρὰ φίλους τε καὶ πάνυ οἰκείους. καὶ μήν, ἦν δʼ ἐγώ, ὦ Κέφαλε, χαίρω γε διαλεγόμενος τοῖς σφόδρα πρεσβύταις. δοκεῖ γάρ μοι χρῆναι παρʼ αὐτῶν πυνθάνεσθαι, ὥσπερ τινὰ ὁδὸν προεληλυθότων, ἣν καὶ ἡμᾶς δεήσει πορεύεσθαι, ποία τίς ἐστι, τραχεῖα καὶ χαλεπή, ἢ ῥᾳδία καὶ εὔπορος.

15# The battle of Salamis

In the narrow strait between the island of Salamis and Attica the fleet of the invading Persians was decisively defeated by the Athenians in 480 BC. Aeschylus described the battle in his play The Persians.

ἐπεί γε μέντοι λευκόπωλος ἡμέρα

πᾶσαν κατέσχε γαῖαν εὐφεγγὴς ἰδεῖν,

πρῶτον μὲν ἠχῇ κέλαδος ̔Ελλήνων πάρα

μολπηδὸν εὐφήμησεν, ὄρθιον δʼ ἅμα

ἀντηλάλαξε νησιώτιδος πέτρας

ἠχώ, φόβος δὲ πᾶσι βαρβάροις παρῆν

γνώμης ἀποσφαλεῖσιν: οὐ γὰρ ὡς φυγῇ

παιᾶνʼ ἐφύμνουν σεμνὸν ῞Ελληνες τότε,

ἀλλʼ ἐς μάχην ὁρμῶντες εὐψύχῳ θράσει.

σάλπιγξ δʼ ἀϋτῇ πάντʼ ἐκεῖνʼ ἐπέφλεγεν:

εὐθὺς δὲ κώπης ῥοθιάδος ξυνεμβολῇ

ἔπαισαν ἅλμην βρύχιον ἐκ κελεύματος.

θοῶς δὲ πάντες ἦσαν ἐκφανεῖς ἰδεῖν:

τὸ δέξιον μὲν πρῶτον εὐτάκτως κέρας

ἡγεῖτο κόσμῳ, δεύτερον δʼ ὁ πᾶς στόλος

ἐπεξεχώρει, καὶ παρῆν ὁμοῦ κλύειν

πολλὴν βοήν: ὦ παῖδες ̔Ελλήνων, ἴτε

ἐλευθεροῦτε πατρίδʼ, ἐλευθεροῦτε δὲ

παῖδας γυναῖκας θεῶν τε πατρῴων ἕδη

θήκας τε προγόνων: νῦν ὑπὲρ πάντων ἀγών.

ὑποκρούω break in, interrupt

ἐπίνοια, -ας, ἡ intention

τέρπω gladden, delight

ἡνίκα (conj.) when

σέβω honour

συνθύτης, -ου, ὁ fellow-sacrificer

# κοινόπλους, -ουν sailing together

σκάφος, -ους, τό boat, ship

κοινόπλουν στέλλω σκάφος lit. send out a ship sailing together, i.e. make a voyage together

# δάμαρ, -αρτος, ἡ wife

# προφωνέω proclaim

κατθανεῖν = καταθανεῖν

ʼΑργώ, -οῦς, ἡ Argo (Jason's ship)

διαπέτομαι (aor. -επτάμην) fly through, wing one's way through (+ acc.)

Κόλχοι, -ων, οἱ Colchians (people on the east coast of the Black Sea)

# αἶα, -ας, ἡ land

Συμπληγάδες, -άδων, αἱ Symplegades, Clashing Rocks

νάπη, -ης, ἡ glen, valley

Πήλιον, -ου, τό Pelion (mountain in Thessaly)

τμηθεῖσα nom. s. f. aor. pple. pass. of τέμνω

πεύκη, -ης, ἡ pine

# ἐρετμόω furnish with oars

ἀριστεύς, -έως, ὁ warrior, chief

# πάγχρυσος, -ον all-golden, of pure gold

# δέρας, -ατος, τό fleece

Πελίας, -ου, ὁ Pelias (Jason's uncle)

μετέρχομαι+ go to fetch

πράξις, -εως, ἡ action

Κέφαλος, -ου, ὁ Cephalus

θαμίζω be accustomed to (+pple., καταβαίνων )

χρῆν = χρῆν ἄν, i.e. you should

πυκνότερον (compar. adv.) more often

ἀπομαραίνομαι wither away

αὔξομαι grow, increase

πρεσβύτης, -ου, ὁ old man

προέρχομαι+ (perf. προελήλυθα) go ahead, precede

εὔπορος, -ον easy to travel

λευκόπωλος, -ον with white horses

κατέχω+occupy, cover

#εὐφεγγής, -ές bright, brilliant

ἠχή, -ῆς, ἡ sound, noise (here dat. of manner, resoundingly)

#κέλαδος, -ου, ὁ shout, cheer

#μολπηδόν (adv.) like a song

εὐφημέω ring out triumphantly

ὄρθιον (adv.) shrilly, loudly

ἀνταλαλάζω return a shout

νησιῶτις, -ιδος (f. adj.) of an island (here Salamis)

ἀποσφάλλομαι+ be disappointed/mistaken in (+ gen.)

παιάν, -ᾶνος, ὁ paean, solemn chant

ἐφυμνέω sing, chant

ὁρμάω hasten, advance

εὔψυχος, -ον courageous

σάλπιγξ, -ιγγος, ἡ trumpet

# ἀϋτή, -ῆς, ἡ call, blast

ἐπιφλέγω set ablaze

κώπη, -ης, ἡ oar

#ῥοθιάς, -άδος (f. adj.) dashing

#ξυνεμβολή, -ῆς, ἡ pulling together (on the oars)

#βρύχιος, -α, -ον deep

κέλευμα, -ατος, τό word of command

#θοῶς (adv.) swiftly

ἐκφανής, -ές plain, manifest

κόσμος, -ου, ὁ good order

στόλος, -ου, ὁ fleet

ἐπεκχωρέω come out against

#κλύω hear

πατρῷος, -α, -ον ancestral

ἕδος, -ους, τό seat, dwelling-place

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 21

(c) Gavin Betts, Alan Henry 2001