Additional Reading Unit 19

Cover
Introduction
Main Index
Links

Unit 18

Unit 20

Unit Key 19

Unit 19

1 # μελέτη χρονισθεῖσʼ εἰς φύσιν καθίσταται.

2 καὶ τὸ τοῦ Λίβυος ἀπόφθεγμα εὖ ἂν ἔχοι: ὁ γὰρ ἐρωτηθείς, τί μάλιστα ἵππον πιαίνει, ὁ τοῦ δεσπότου ὀφθαλμός, ἔφη.

3 τὸ μὲν οὖν ἐπιτιμᾶν φήσειέ τις ἂν ῥᾴδιον εἶναι, τὸ δʼ ὑπὲρ τῶν παρόντων ὅτι δεῖ πράττειν, τοῦτʼ εἶναι συμβούλου.

4 τὴν ἑαυτοῦ σκιὰν δέδοικεν.

5 ἡδύ τοι σωθέντα μεμνῆσθαι κακῶν.

6# ἀεὶ τὰ σεμνὰ πάντα κέκτηται φθόνον.

7 πτωχοῦ πήρα οὐ πίμπλαται.

8# πρὸς τὴν ἀνάγκην οὐδʼ ῞Αρης ἀνθίσταται.

9# ἀλλʼ εἰ μὲν ἦν κλαίουσιν ἰᾶσθαι κακὰ

καὶ τὸν θανόντα δακρύοις ἀνιστάναι,

ὁ χρυσὸς ἧσσον κτῆμα τοῦ κλαίειν ἂν ἦν.

νῦν δʼ, ὦ γέραιε, ταῦτʼ ἀνηνύτως ἔχει

τὸν ἐν τάφῳ κρυφθέντα πρὸς τὸ φῶς ἄγειν.

10# ἕν ἐστι πάντων πρῶτον εἰδέναι τουτί,

φέρειν τὰ συμπίπτοντα μὴ παλιγκότως:

χοὖτός γʼ ἀνὴρ ἄριστος αἵ τε συμφοραὶ

ἧσσον δάκνουσιν. ἀλλὰ ταῦτα γὰρ λέγειν

ἐπιστάμεσθα, δρᾶν δʼ ἀμηχάνως ἔχει.

11# ὁ δʼ ἡδὺς αἰὼν ἡ κακή τʼ ἀνανδρία

οὔτʼ οἶκον οὔτε πόλιν ἀνορθώσειεν ἄν.

12# οὐκ ἂν προδοίην καίπερ ἄψυχον φίλον.

13# νοῦ δʼ οἶνος ἐξέστησέ μʼ: ὁμολογῶ δέ σε

ἀδικεῖν, τὸ δʼ ἀδίκημʼ ἐγένετʼ οὐχ ἑκούσιον.

14# ὁ γὰρ τὸν ἴδιον οἰκονομῶν κακῶς βίον

πῶς οὗτος ἂν σώσειε τῶν ἔξω τινά;

15 ἐφόδιον εἰς τὸ γῆρας αἰεὶ κατατίθου.

16# ἐχθροῖς ἀπιστῶν οὔποτʼ ἂν πάθοις βλάβην.

17# οὐδεὶς ὃ νοεῖς οἶδεν, ὃ δὲ ποιεῖς βλέπει.

18# χάριν λαβὼν μέμνησο καὶ δοὺς ἐπιλαθοῦ.

19# Γνῶθι σεαυτόν

ὅταν εἰδέναι θέλῃς σεαυτὸν ὅστις εἶ,

ἔμβλεψον εἰς τὰ μνήμαθʼ ὡς ὁδοιπορεῖς.

ἐνταῦθʼ ἔνεστʼ ὀστᾶ τε καὶ κούφη κόνις

ἀνδρῶν βασιλέων καὶ τυράννων καὶ σοφῶν

καὶ μέγα φρονούντων ἐπὶ γένει καὶ χρήμασιν

αὑτῶν τε δόξῃ κἀπὶ κάλλει σωμάτων.

κᾆτι οὐδὲν αὐτοῖς τῶνδʼ ἐπήρκεσεν χρόνῳ:

κοινὸν τὸν ῞Αιδην ἔσχον οἱ πάντες βροτοί.

πρὸς ταῦθʼ ὁρῶν γίγνωσκε σαυτὸν ὅστις εἶ.

20 ὁ μὲν ἀγαθὸς ἀνὴρ γένοιτʼ ἄν ποτε καὶ κακός, ὁ δὲ κακὸς ἀνὴρ οὐκ ἄν ποτε γένοιτο κακός· ἔστι γὰρ ἀεί.

21 ἐάν τις ἐπαναστῇ τῷ δήμῳ ἐπὶ τυραννίδι, ἢ τὴν τυραννίδα συγκαταστήσῃ ἢ τὸν δῆμον τὸν ʼΑθηναίων ἢ τὴν δημοκρατίαν τὴν ʼΑθήνησιν καταλύσῃ, ὃς ἂν τὸν τούτων τι ποιήσαντα ἀποκτείνῃ, ὅσιος ἔστω.

22 Better to suffer injustice than to commit it

From the Gorgias of Plato

ΠΩΛΟΣ - ΣΩΚΡΑΤΗΣ

ΠΩΛ. ἦ που ὅ γε ἀποθνῄσκων ἀδίκως ἐλεινός τε καὶ ἄθλιός ἐστιν.

ΣΩ. ἧττον ἢ ὁ ἀποκτείνων, ὦ Πῶλε, καὶ ἧττον ἢ ὁ δικαίως ἀποθνῄσκων.

ΠΩΛ. πῶς δῆτα, ὦ Σώκρατες;

ΣΩ. οὕτως, ὡς μέγιστον τῶν κακῶν τυγχάνει ὂν τὸ ἀδικεῖν.

ΠΩΛ. ἦ γὰρ τοῦτο μέγιστον; οὐ τὸ ἀδικεῖσθαι μεῖζον;

ΣΩ. ἥκιστά γε.

ΠΩΛ. σὺ ἄρα βούλοιο ἂν ἀδικεῖσθαι μᾶλλον ἢ ἀδικεῖν;

ΣΩ. βουλοίμην μὲν ἂν ἔγωγε οὐδέτερα: εἰ δʼ ἀναγκαῖον εἴη ἀδικεῖν ἢ ἀδικεῖσθαι, ἑλοίμην ἂν μᾶλλον ἀδικεῖσθαι ἢ ἀδικεῖν.

ΠΩΛ. σὺ ἄρα τυραννεῖν οὐκ ἂν δέξαιο;

ΣΩ. οὐκ, εἰ τὸ τυραννεῖν γε λέγεις ὅπερ ἐγώ.

ΠΩΛ. ἀλλʼ ἔγωγε τοῦτο λέγω ὅπερ ἄρτι, ἐξεῖναι ἐν τῇ πόλει, ὃ ἂν δοκῇ αὐτῷ, ποιεῖν τοῦτο, καὶ ἀποκτείνοντι καὶ ἐκβάλλοντι καὶ πάντα πράττοντι κατὰ τὴν αὑτοῦ δόξαν.

μελέτη, -ης, ἡ practice

χρονίζομαι be prolonged

καθίσταμαι+ come into a certain state, become (εἰς + acc.)

Λίβυς, -υος, ὁ Libys (personal name)

ἀπόφθεγμα, -ατος, τό saying

πιαίνω fatten

φήσειε 3 s. aor. opt. of φημί (aor. ἔφησα)

σύμβουλος, -ου, ὁ adviser

πήρα, -ας, ἡ pouch, wallet

κλαίουσι d. pl. pres. pple. act. of κλαίω

ἀνηνύτως ἔχει it is impossible

συμπίπτω+ happen, befall

παλιγκότως (adv.) resentfully

χοὖτος crasis for καὶ οὗτος

ἐπιστάμεσθα = -μεθα

ἀμηχάνως ἔχω be hard/impossible

ἀνανδρία, -ας, ἡ cowardice

ἀνορθόω restore, set right

ἄψυχος, -ον lifeless, dead

ἐξίστημι+ drive out of

ἑκούσιος, -α, -ον willing, deliberate

οἰκονομέω manage

ἐφόδιον, -ου, τό travelling supplies/money

κατατίθημι+ put down/aside, deposit

νοέω think

ἐμβλέπω look at (εἰς + acc.)

ὁδοιπορέω travel, pass by

κᾆτι = καὶ ἔτι

ἐπαρκέω help, assist (+ dat.)

ἔσχον gnomic aorist (from ἔχω)

ἐπανίσταμαι+ rise up against (+ dat.)

συγκαθίστημι+ help to establish

δημοκρατία, -ας, ἡ democracy

ὅσιος, -α, -ον free from pollution, stainless

Πῶλος, -ου, ὁ Polus

ἐλεινός, -ή, -όν to be pitied, pitiable

λέγω mean

ἐξεῖναι (inf. of ἔξεστι) explanatory of τοῦτο, trans. the power to ...

κατὰ τὴν αὑτοῦ δόξαν in accordance with his own judgement

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 19

(c) Gavin Betts, Alan Henry 2001