Additional Reading Unit 18

Cover
Introduction
Main Index
Links

Unit 17

Unit 19

Unit Key 18

Unit 18

1# ἐν τοῖς ἐμαυτοῦ δικτύοις ἁλώσομαι.

2# εἰ μὴ καθέξεις γλῶσσαν, ἔσται σοι κακά.

3 οἱ μάντεις λέγονται δήπου ἄλλοις μὲν προαγορεύειν τὸ μέλλον, ἑαυτοῖς δὲ μὴ προορᾶν τὸ ἐπιόν.

4 τίθεταί γε τοὺς νόμους ἑκάστη ἡ ἀρχὴ πρὸς τὸ αὑτῆς συμφέρον, δημοκρατία μὲν δημοκρατικούς, τυραννὶς δὲ τυραννικούς.

5# ἱκέτην γέροντα καὶ πένητα μὴ προδῷς.

6 γέρων ἀλώπηξ οὐχ ἁλίσκεται.

7# ἢν οἱ τεκόντες τοῦτο γιγνώσκωσʼ ὅτι

νέοι ποτʼ ἦσαν, ἠπίως τὴν τῶν τέκνων

οἴσουσι Κύπριν, φύντες οὐ σκαιοὶ φύσιν.

8# πολλάς γʼ ὁ δαίμων τοῦ βίου μεταστάσεις

ἔδωκεν ἡμῖν μεταβολάς τε τῆς τύχης.

9# εἰ δʼ ἦσθα μὴ κάκιστος, οὔποτʼ ἂν πάτραν

τὴν σὴν ἀτίζων τήνδʼ ἂν ηὐλόγεις πόλιν.

10# λαβὼν ἀπόδος, ἄνθρωπε, καὶ λήψῃ πάλιν.

11# ὑφʼ ἡδονῆς ὁ φρόνιμος οὐχ ἁλίσκεται.

12# ὧν ἦρξε γαστήρ, τὸ φρονεῖν ἀφῃρέθη.

13 Socrates' definition of the good general

Like Plato, Xenophon too knew Socrates, and in his ʼΑπομνημονεύματα (Memorabilia or 'Memoirs'), from which this extract is taken, he relates anecdotes and conversations ascribed to Socrates.

ἐντυχὼν δέ ποτε στρατηγεῖν ᾑρημένῳ τῳ, τοῦ ἕνεκα, ἔφη, ῞Ομηρον οἴει ʼΑγαμέμνονα προσαγορεῦσαι ποιμένα λαῶν; ἆρά γʼ ὅτι, ὥσπερ τὸν ποιμένα ἐπιμελεῖσθαι δεῖ ὅπως σῶαί τʼ ἔσονται αἱ οἶες καὶ τὰ ἐπιτήδεια ἕξουσιν, καὶ οὗ ἕνεκα τρέφονται, τοῦτο ἔσται, οὕτω καὶ τὸν στρατηγὸν ἐπιμελεῖσθαι δεῖ ὅπως σῶοί θʼ οἱ στρατιῶται ἔσονται καὶ τὰ ἐπιτήδεια ἕξουσι, καὶ οὗ ἕνεκα στρατεύονται, τοῦτο ἔσται; στρατεύονται δʼ ἵνα κρατοῦντες τῶν πολεμίων εὐδαιμονέστεροι ὦσιν. στρατεύονται δὲ πάντες ἵνα ὁ βίος αὐτοῖς ὡς βέλτιστος ᾗ: καὶ στρατηγοὺς αἱροῦνται τούτου ἕνεκα, ἵνα πρὸς τοῦτο αὐτοῖς ἡγεμόνες ὦσιν. δεῖ οὖν τὸν στρατηγοῦντα τοῦτο παρασκευάζειν τοῖς ἑλομένοις αὐτὸν στρατηγόν: καὶ γὰρ οὔτε κάλλιον τούτου ἄλλο ῥᾴδιόν ἐστιν εὑρεῖν οὔτʼ αἴσχιον τοῦ ἐναντίου. καὶ οὕτως ἐπισκοπῶν τίς εἴη ἀγαθοῦ ἡγεμόνος ἀρετή, τὰ μὲν ἄλλα περιῄρει, κατέλιπε δὲ τὸ εὐδαίμονας ποιεῖν ὧν ἂν ἡγῆται.

14# A canine court of enquiry

In the Wasps of Aristophanes, Bdelycleon, who has tried every means to prevent his father Philocleon from indulging his passion for serving on juries, here attempts a compromise by encouraging Philocleon to play the juror at home. The 'case' involves a dog, Labes, who has stolen some cheese; his 'prosecutor' is another dog, from the deme Kydathenaion.

ΒΔΕΛΥΚΛΕΩΝ - ΦΙΛΟΚΛΕΩΝ

ΒΔ. εἴ τις θύρασιν ἠλιαστής, εἰσίτω:

ὡς ἡνίκʼ ἂν λέγωσιν, οὐκ ἐσφρήσομεν.

ΦΙ. τίς ἆρʼ ὁ φεύγων οὗτος; ὅσον ἁλώσεται.

ΒΔ. ἀκούετʼ ἤδη τῆς γραφῆς. ἐγράψατο

Κύων Κυδαθηναιεὺς Λάβητʼ Αἰξωνέα

τὸν τυρὸν ἀδικεῖν ὅτι μόνος κατήσθιεν

τὸν Σικελικόν. τίμημα κλῳὸς σύκινος.

ΦΙ. θάνατος μὲν οὖν κύνειος, ἢν ἅπαξ ἁλῷ.

ΒΔ. καὶ μὴν ὁ φεύγων οὑτοσὶ Λάβης πάρα.

ΦΙ. ὢ μιαρὸς οὗτος. ὡς δὲ καὶ κλέπτον βλέπει.

οἷον σεσηρὼς ἐξαπατήσειν μʼ οἴεται.

ποῦ δʼ ὅ γε διώκων, ὁ Κυδαθηναιεὺς κύων;

ΚΥΩΝ

αὖ, αὖ.

ΒΔ. πάρεστιν.

ΦΙ. ἕτερος οὗτος αὖ Λάβης,

ἀγαθός γʼ ὑλακτεῖν καὶ διαλείχειν τὰς χύτρας.

ΒΔ. σίγα, κάθιζε. σὺ δʼ ἀναβὰς κατηγόρει.

ΦΙ. φέρε νυν, ἅμα τήνδʼ ἐγχεάμενος κἀγὼ ῥοφῶ.

ΚΥ. τῆς μὲν γραφῆς ἠκούσαθʼ ἣν ἐγραψάμην,

ἄνδρες δικασταί, τουτονί. δεινότατα γὰρ

ἔργων δέδρακε κἀμὲ καὶ τὸ ῥυππαπαῖ.

ἀποδρὰς γὰρ ἐς τὴν γωνίαν τυρὸν πολὺν

κατεσικέλιζε, κἀνέπλητʼ ἐν τῷ σκότῳ.

ΦΙ. νὴ τὸν Δίʼ, ἀλλὰ δῆλός ἐστʼ: ἔμοιγέ τοι

τυροῦ κάκιστον ἀρτίως ἐνήρυγεν

ὁ βδελυρὸς οὗτος.

προαγορεύω foretell, prophesy

προοράω+ foresee

ἐπιόν neut. pple. of ἐπέρχομαι, come upon

συμφέρον, -οντος, τό advantage

δημοκρατία, -ας, ἡ democracy

δημοκρατικός, -ή, -όν democratic

τυραννικός, -ή, -όν tyrannical

ἠπίως (adv.) gently, kindly

μετάστασις, -εως, ἡ change

ἔδωκε gnomic aorist (5.2.10 note)

# ἀτίζω hold in dishonour

εὐλογέω speak well of, praise

ὧν (= τούτοις ὧν) from those whose

ἦρξε gnomic aorist (5.2.10 note), as also is ἀφῃρέθῃ

ἀφαιρέω take away from (+ dat.)

τῳ (= τινί) dat. s. of indefinite pron. (10.1/1)

τοῦ (= τίνος) gen. s. of interrogative pron. (10.1/1)

προσαγορεύω call

ἐπιμελέομαι see to it that (+ ὅπως and fut. ind.)

σῶος, -α, -ον safe and sound

οἶς, οἰός, ἡ sheep

περιαιρέω+ remove, discard

ἡγέομαι lead, command (+ gen.)

θύρασιν (adv.) outside

ἠλιαστής, -οῦ, ὁ juror

ἡνίκα (conj.) when

ἐσφρέω (= εἰς-) let in, admit

ὁ φεύγων (pres. pple.) the defendant

ὅσον (exclamatory) how, how much

Κυδαθηναιεύς, -έως (adj.) of the deme Kydathenaion

Λάβης, -ητος, ὁ Labes

Αἰξωνεύς, -έως (adj.) of the deme Aixone

Σικελικός, -ή, -όν Sicilian

τίμημα, -ατος, τό penalty

κλῳός, -οῦ, ὁ dog-collar

σύκινος, -η, -ον made of fig-wood (a dog collar made of fig- wood is a periphrasis for stocks)

μὲν οὖν no, rather

κύνειος, -α, -ον fit for a dog

ἅπαξ (adv.) once

ὤ (exclamatory, + nom.) what a ...

μιαρός, -ά -όν abominable, foul

κλέπτον (neut. pple.) βλέπει he has a thieving look

οἷον (exclamatory) how

σεσηρώς perf. pple. of σαίρω, grin

ὁ διώκων (pres. pple.) the prosecutor

αὖ, αὖ bow, wow

ὑλακτέω bark

διαλείχω lick clean

τήνδε sc. φακῆν this soup

ἐγχέομαι (aor. ἐνεχεάμην) pour in for oneself

ῥοφέω gulp down

ῥυππαπαῖ (a sailors' cry) yo-ho-ho; here τὸ ῥυππαπαῖ = the sailors

γωνία, -ας, ἡ corner

# κατασικελίζω Sicilize down (comic for κατεσθίω)

ἐμπίμπλαμαι (aor. ἐνεπλήμην) eat one's fill, gorge oneself (κἀνέπλητʼ = καὶ ἐνέπλητο)

ἐνερεύγω (aor. ἐνήρυγον) belch on/over (+ dat.)

κάκιστον ἐνήρυγεν he gave a horrible belch (of, + gen.)

βδελυρός, -ά, -όν disgusting, foul

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 18

(c) Gavin Betts, Alan Henry 2001