Additional Reading Unit 15

Cover
Introduction
Main Index
Links

Unit 14

Unit 16

Unit Key 15

Unit 15

1# δαίμων ἐμαυτῷ γέγονα γήμας πλουσίαν.

2 ἄνθρακες ὁ θησαυρὸς πέφηνεν.

3 ὁ Κροῖσος φονέα τοῦ παιδὸς ἐλάνθανε βόσκων.

4# ὁρῶ δὲ τοῖς πολλοῖσιν ἀνθρώποις ἐγὼ

τίκτουσαν ὕβριν τὴν πάροιθʼ εὐπραξίαν.

5# γυνὴ γυναικὶ σύμμαχος πέφυκέ πως.

6# ἐκεῖνο γὰρ πέπονθʼ ὅπερ πάντες βροτοί:

φιλῶν μάλιστʼ ἐμαυτὸν οὐκ αἰσχύνομαι.

7 Do ghosts exist?

From Lucian, a voluminous writer of the second century AD.

ἅμα ταῦτα λεγόντων ἡμῶν ἐπεισῆλθον οἱ τοῦ Εὐκράτους υἱοὶ ἐκ τῆς παλαίστρας, ὁ μὲν ἤδη ἐξ ἐφήβων, ὁ δὲ ἕτερος ἀμφὶ τὰ πεντεκαίδεκα ἔτη, καὶ ἀσπασάμενοι ἡμᾶς ἐκαθέζοντο ἐπὶ τῆς κλίνης παρὰ τῷ πατρί: ἐμοὶ δὲ εἰσεκομίσθη θρόνος. καὶ ὁ Εὐκράτης ὥσπερ ἀναμνησθεὶς πρὸς τὴν ὄψιν τῶν υἱέων, ἀληθῆ, ἔφη, ὦ Τυχιάδη, πρός σε ἐρῶ. τὴν μακαρῖτίν μου γυναῖκα τὴν τούτων μητέρα σφόδρα ἠγάπησα, ἐδήλωσα δὲ οἷς περὶ αὐτὴν ἔπραξα οὐ ζῶσαν μόνον, ἀλλʼ ἐπεὶ καὶ ἀπέθανε, τόν τε κόσμον ἅπαντα συγκατακαύσας καὶ τὴν ἐσθῆτα ᾗ ζῶσα ἔχαιρεν. ἑβδόμῃ δὲ μετὰ τὴν τελευτὴν ἡμέρᾳ ἐγὼ μὲν ἐνταῦθα ἐπὶ τῆς κλίνης ὥσπερ νῦν ἐκείμην (was lying) παραμυθούμενος τό γε πένθος. ἀνεγίγνωσκον γὰρ τὸ περὶ ψυχῆς τοῦ Πλάτωνος τὸ βιβλίον ἐφʼ ἡσυχίας: ἐπεισέρχεται δὲ μεταξὺ ἡ Δημαινέτη αὐτὴ ἐκείνη καὶ καθίζεται πλησίον ὥσπερ νῦν Εὐκρατίδης οὑτοσί:
ὁ δὲ αὐτίκα ἔφριξε μάλα παιδικῶς καὶ πάλαι ἤδη ὠχρὸς ἦν πρὸς τὴν διήγησιν.
ἐγὼ δέ, ἦ δʼ ὃς ὁ Εὐκράτης, ὡς εἶδον, περιπλακεὶς αὐτῇ ἐδάκρυον ἀνακωκύσας: ἡ δὲ οὐκ εἴα βοᾶν, ἀλλʼ ᾐτιᾶτό με, ὅτι τὰ ἄλλα πάντα χαρισάμενος αὐτῇ θάτερον τῶν σανδάλων χρυσῶν ὄντων οὐ κατακαύσαιμι, εἶναι δὲ αὐτὸ ἔφασκε παραπεσὸν ὑπὸ τῇ κιβωτῷ, καὶ διὰ τοῦτο ἡμεῖς οὐχ εὑρόντες θάτερον μόνον ἐκαύσαμεν. ἔτι δὲ ἡμῶν διαλεγομένων κατάρατόν τι κυνίδιον ὑπὸ τῇ κλίνῃ ὂν Μελιταῖον ὑλάκτησεν, ἡ δὲ ἠφανίσθη πρὸς τὴν ὑλακήν: τὸ μέντοι σανδάλιον ηὑρέθη ὑπὸ τῇ κιβωτῷ καὶ κατεκαύθη ὕστερον. ἔτι ἀπιστεῖν τούτοις, ὦ Τυχιάδη, ἄξιον ἐναργέσιν οὖσι καὶ κατὰ τὴν ἡμέραν ἑκάστην φαινομένοις;

ἄνθραξ, -ακος, ὁ coal

θησαυρός, -οῦ, ὁ treasure

ἐπεισέρχομαι+ come in after

Εὐκράτης, -ους, ὁ Eucrates

ἔφηβος, -ου, ὁ adolescent, young man

καθέζομαι sit down

κλίνη, -ης, ἡ couch

εἰσκομίζω+ bring in

θρόνος, -ου, ὁ chair

πρός (+ acc.) in consequence of, at

Τυχιάδης, -ου, ὁ Tychiades

μακαρῖτις, -ιδος (fem. adj.) blessed, i.e. dead, late

κόσμος, -ου, ὁ ornaments

συγκατακαίω+ burn along with

ἐσθής, -ῆτος, ἡ clothing

παραμυθέομαι relieve, console

ἐφʼ ἡσυχίας quietly

Δημαινέτη, -ης, ἡ Demaenete

πλησίον (adv.) near, nearby

Εὐκρατίδης, -ου, ὁ Eucratides

φρίττω shiver, shudder

παιδικῶς (adj.) like a child, childishly

ὠχρός, -ά, -όν pale

πρός (+ acc.) in consequence of, at

διήγησις, -εως, ἡ narration, account

περιπλέκομαι (aor. -επλάκην) embrace (+ dat.)

ἀνακωκύω wail aloud

εἴα < ἐάω

κατακαίω+ burn completely

παραπίπτω+ fall beside, fall

κιβωτός, -οῦ, ἡ chest, coffer

κατάρατος, -η, -ον cursed

κυνίδιον, -ου, τό little dog

Μελιταῖος, -α, -ον Maltese

ὑλακτέω howl, yelp

ἀφανίζομαι (aor. ἠφανίσθην) disappear

πρός (+ acc.) in consequence of, at

ὑλακή, -ῆς, ἡ howl, yelp

σανδάλιον, -ου, τό sandal

ἄξιος, -α, -ον meet, fit, proper

ἐναργής, -ές visible, in bodily shape

κατὰ τὴν ἡμέραν ἑκάστην every day

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 15

(c) Gavin Betts, Alan Henry 2001