.

Extra Reading: Units 16 - 20

Cover
Introduction
Main Index
Links

Extra Reading
11-15


Extra Reading
21-24


Extra Reading
Key 16 - 20


Extra reading for units 16-20

1# πᾶς τις ἀπαίδευτος φρονιμώτατός ἐστι σιωπῶν,

τὸν λόγον ἐγκρύπτων ὡς πάθος αἰσχρότατον.

2# νόμιζε γήμας δοῦλος εἶναι τοῦ βίου.

3# μοχθεῖν ἀνάγκη: τὰς δὲ δαιμόνων τύχας

ὅστις φέρει κάλλιστʼ ἀνὴρ οὗτος σοφός.

4# ἀνδρῶν δὲ φαύλων ὅρκον εἰς ὕδωρ γράφε.

5# ἀνὴρ ἀχάριστος μὴ νομιζέσθω φίλος.

6# πενίας βαρύτερον οὐδέν ἐστι φορτίον.

7# διὰ τῆς σιωπῆς πικρότερον κατηγόρει.

8# ἔργοις φιλόπονος ἴσθι, μὴ λόγοις μόνον.

9# λήσειν διὰ τέλους μὴ δόκει πονηρὸς ὤν.

10# μηδέποτε πειρῶ δύο φίλων εἶναι κριτής.

11# οὐκ ἔσθʼ ὑγιείας κρεῖττον οὐδὲν ἐν βίῳ.

12# ἀρχῆς ἁπάσης ἡγεμὼν ἔστω λόγος.

13# φιλεῖ δʼ ἑαυτοῦ πλεῖον οὐδεὶς οὐδένα.

14# εἰ δʼ εὐτυχῶν τις καὶ βίον κεκτημένος

μηδὲν δόμοισι τῶν καλῶν πειράσεται,

ἐγὼ μὲν οὔποτʼ αὐτὸν ὄλβιον καλῶ,

φύλακα δὲ μᾶλλον χρημάτων εὐδαίμονα.

15# πολλοί σε μισήσουσιν ἂν σαυτὸν φιλῇς.

16# τεθνᾶσι παῖδες οὐκ ἐμοὶ μόνῃ βροτῶν
οὐδʼ ἀνδρὸς ἐστερήμεθʼ, ἀλλὰ μυρίαι
τὸν αὐτὸν ἐξήντλησαν ὡς ἐγὼ βίον.

17 ἱστορίας γὰρ ἐὰν ἀφέλῃ τις τὸ διὰ τι καὶ πῶς καὶ τίνος χάριν ἐπράχθη τὸ πραχθὲν καὶ πότερα εὔλογον ἔσχε τὸ τέλος, τὸ καταλειπόμενον αὐτῆς ἀγώνισμα μὲν μάθημα δʼ οὐ γίγνεται· καὶ παραυτίκα μὲν τέρπει, πρὸς δὲ τὸ μέλλον οὐδὲν ὠφελεῖ τὸ παράπαν.

18 Λάκαινά τις ἀκούσασα τεθνάναι τὸν υἱὸν ἐν μάχῃ καθάπερ ἐτέτακτο, κατάθετε αὐτόν, ἔφη, ἀναπληρωσάτω δὲ τὴν ἐκείνου τάξιν ὁ ἀδελφός.

19 ἄλλη Λάκαινα αἰχμαλωτευθεῖσα καὶ ἐρωτωμένη ὑπό τινος, εἰ ἔσται ἀγαθὴ ἂν αὐτὴν ἀγοράσῃ, εἶπεν, κἂν μὴ ἀγοράσῃς.

20 παρʼ Εὐκλείδῃ τις ἀρξάμενος γεωμετρεῖν, ὡς τὸ πρῶτον θεώρημα ἔμαθεν, ἤρετο τὸν Εὐκλείδην, τί δέ μοι πλέον ἔσται ταῦτα μαθόντι; καὶ ὁ Εὐκλείδης τὸν παῖδα καλέσας, δός, ἔφη, αὐτῷ τριώβολον ἐπειδὴ δεῖ αὐτὸν ἐξ ὧν μανθάνει κερδαίνειν.



ἀπαίδευτος, -ον uneducated

ἐγκρύπτω+ hide, conceal

πάθος, -ους, τό misfortune

ἀχάριστος, -ον ungracious, ungrateful

φιλόπονος, -ον industrious, energetic

διὰ τέλους completely, always

πλεῖον poetical form of πλέον

ἄν = ἐάν

τεθνᾶσι = τεθνήκασι

ἐξαντλέω endure to the end, see out

χάριν (acc. used as prep. + gen.) for the sake of, on account of

τίνος χάριν; for what reason?

ἀγώνισμα, -ατος, τό prize essay

τέρπω delight, gladden

κατατίθημι+ lay down

ἀναπληρόω fill up

τάξις, -εως, ἡ post, place (in the battle-line)

αἰχμαλωτεύω capture

ἄν = ἐάν

κἄν = καὶ ἐάν

Εὐκλείδης, -ου, ὁ Euclid

γεωμετρέω study geometry

θεώρημα, -ατος, τό theorem

πλέον ( compar. of πολύς) advantage (lit. more)

τριώβολον, -ου, τό a 3-obol piece, a half drachma

κερδαίνω make profit

τριώβολον, -ου, τό three-obol piece, half a drachma

κερδαίνω make profit

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _
(c) Gavin Betts, Alan Henry 2001