Extra Reading: Units 16 - 20

Cover
Introduction
Main Index
Links

Extra Reading
11-15
Extra Reading
21-24

Extra Reading
Key 16 - 20

Extra reading for units 16-20

1# πᾶς τις ἀπαίδευτος φρονιμώτατός ἐστι σιωπῶν,

τὸν λόγον ἐγκρύπτων ὡς πάθος αἰσχρότατον.

2# νόμιζε γήμας δοῦλος εἶναι τοῦ βίου.

3# μοχθεῖν ἀνάγκη: τὰς δὲ δαιμόνων τύχας

ὅστις φέρει κάλλιστʼ ἀνὴρ οὗτος σοφός.

4# ἀνδρῶν δὲ φαύλων ὅρκον εἰς ὕδωρ γράφε.

5# ἀνὴρ ἀχάριστος μὴ νομιζέσθω φίλος.

6# πενίας βαρύτερον οὐδέν ἐστι φορτίον.

7# διὰ τῆς σιωπῆς πικρότερον κατηγόρει.

8# ἔργοις φιλόπονος ἴσθι, μὴ λόγοις μόνον.

9# λήσειν διὰ τέλους μὴ δόκει πονηρὸς ὤν.

10# μηδέποτε πειρῶ δύο φίλων εἶναι κριτής.

11# οὐκ ἔσθʼ ὑγιείας κρεῖττον οὐδὲν ἐν βίῳ.

12# ἀρχῆς ἁπάσης ἡγεμὼν ἔστω λόγος.

13# φιλεῖ δʼ ἑαυτοῦ πλεῖον οὐδεὶς οὐδένα.

14# εἰ δʼ εὐτυχῶν τις καὶ βίον κεκτημένος

μηδὲν δόμοισι τῶν καλῶν πειράσεται,

ἐγὼ μὲν οὔποτʼ αὐτὸν ὄλβιον καλῶ,

φύλακα δὲ μᾶλλον χρημάτων εὐδαίμονα.

15# πολλοί σε μισήσουσιν ἂν σαυτὸν φιλῇς.

16# τεθνᾶσι παῖδες οὐκ ἐμοὶ μόνῃ βροτῶν
οὐδʼ ἀνδρὸς ἐστερήμεθʼ, ἀλλὰ μυρίαι
τὸν αὐτὸν ἐξήντλησαν ὡς ἐγὼ βίον.

17 ἱστορίας γὰρ ἐὰν ἀφέλῃ τις τὸ διὰ τι καὶ πῶς καὶ τίνος χάριν ἐπράχθη τὸ πραχθὲν καὶ πότερα εὔλογον ἔσχε τὸ τέλος, τὸ καταλειπόμενον αὐτῆς ἀγώνισμα μὲν μάθημα δʼ οὐ γίγνεται· καὶ παραυτίκα μὲν τέρπει, πρὸς δὲ τὸ μέλλον οὐδὲν ὠφελεῖ τὸ παράπαν.

18 Λάκαινά τις ἀκούσασα τεθνάναι τὸν υἱὸν ἐν μάχῃ καθάπερ ἐτέτακτο, κατάθετε αὐτόν, ἔφη, ἀναπληρωσάτω δὲ τὴν ἐκείνου τάξιν ὁ ἀδελφός.

19 ἄλλη Λάκαινα αἰχμαλωτευθεῖσα καὶ ἐρωτωμένη ὑπό τινος, εἰ ἔσται ἀγαθὴ ἂν αὐτὴν ἀγοράσῃ, εἶπεν, κἂν μὴ ἀγοράσῃς.

20 παρʼ Εὐκλείδῃ τις ἀρξάμενος γεωμετρεῖν, ὡς τὸ πρῶτον θεώρημα ἔμαθεν, ἤρετο τὸν Εὐκλείδην, τί δέ μοι πλέον ἔσται ταῦτα μαθόντι; καὶ ὁ Εὐκλείδης τὸν παῖδα καλέσας, δός, ἔφη, αὐτῷ τριώβολον ἐπειδὴ δεῖ αὐτὸν ἐξ ὧν μανθάνει κερδαίνειν.

ἀπαίδευτος, -ον uneducated

ἐγκρύπτω+ hide, conceal

πάθος, -ους, τό misfortune

ἀχάριστος, -ον ungracious, ungrateful

φιλόπονος, -ον industrious, energetic

διὰ τέλους completely, always

πλεῖον poetical form of πλέον

ἄν = ἐάν

τεθνᾶσι = τεθνήκασι

ἐξαντλέω endure to the end, see out

χάριν (acc. used as prep. + gen.) for the sake of, on account of

τίνος χάριν; for what reason?

ἀγώνισμα, -ατος, τό prize essay

τέρπω delight, gladden

κατατίθημι+ lay down

ἀναπληρόω fill up

τάξις, -εως, ἡ post, place (in the battle-line)

αἰχμαλωτεύω capture

ἄν = ἐάν

κἄν = καὶ ἐάν

Εὐκλείδης, -ου, ὁ Euclid

γεωμετρέω study geometry

θεώρημα, -ατος, τό theorem

πλέον ( compar. of πολύς) advantage (lit. more)

τριώβολον, -ου, τό a 3-obol piece, a half drachma

κερδαίνω make profit

τριώβολον, -ου, τό three-obol piece, half a drachma

κερδαίνω make profit

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Extra Reading: Units 16 - 20

(c) Gavin Betts, Alan Henry 2001